Танилцуулга ба нэвтрэх
Мерчант самбар гэж юу вэ, хэрхэн нэвтрэх, ерөнхий бүтэц.
Танилцуулга ба нэвтрэх
Зорилго
Мерчант самбар бол таны бизнесийг UBooking дээр удирдах гол хэрэгсэл. Эндээс захиалга авах, үйлчилгээ болон цэсээ нийтлэх, орлогоо хянах, мөнгөө татах зэрэг бүх ажлаа гүйцэтгэнэ.
Нэвтрэх
Компьютер эсвэл утасныхаа хөтчөөр merchant.ubooking.mn хаягт орж нэвтрэх цонхыг
нээнэ.
Алхам алхмаар:
- Дээд талын гурван сонголт (Админ / Мерчант / Салбар)-оос «Мерчант»-ыг сонгоно.
- И-мэйл хаяг талбарт бүртгэлтэй и-мэйлээ бичнэ (жишээ нь
info@mongolspa.mn). - Нууц үг-ээ бичнэ. Нүдэн дүрс дээр дарвал нууц үг харагдана.
- «Нэвтрэх» товчийг дарна.
Амжилттай нэвтэрмэгц Хянах самбар нээгдэнэ.
Салбарын эрх — Зөвхөн нэг салбар хариуцдаг бол «Салбар» сонголтоор, бизнес эрхлэгч бол «Мерчант» сонголтоор нэвтэрнэ.
Самбарын ерөнхий бүтэц
Нэвтэрсний дараа дэлгэц хоёр хэсэгт хуваагдана:
- Зүүн талын цэс — бүх хэсгийг бүлгээр нь эмхэлсэн:
- Ерөнхий — Хянах самбар, Захиалгын хуваарь, Захиалга
- Удирдлага — Үйлчилгээ, Ажилтан, Цэс, Салбар, QR цэс, QR захиалга
- Харилцагч — Үнэлгээ, Урамшуулал
- Санхүү ба аналитик — Төлбөр тооцоо, Мөнгө татах, Аналитик, QR тайлан, Тайлан
- Бусад — Тохиргоо
- Баруун талын ажлын талбар — сонгосон хэсгийн агуулга харагдана.
Дээд талд хайх мөр (үйлчлүүлэгч, захиалга хайх), хэл солих (MN / EN), мэдэгдэл байрлана. Зүүн доод буланд идэвхтэй бизнесийн нэр харагдах ба түүн дээр дарж бизнес солих боломжтой.
Түгээмэл товч, талбарууд
Самбар даяар ижил харагдацтай товч, талбар давтагдан гарна. Эдгээрийг нэг ойлгочихвол бүх хэсэгт хялбар ажиллана:
| Юу вэ | Тайлбар |
|---|---|
| «+ Нэмэх» товч (цэнхэр, баруун дээд буланд) | Шинэ зүйл (үйлчилгээ, салбар, ширээ г.м.) бүртгэх цонхыг нээнэ. |
| Хажуугаас гарч ирэх цонх | Нэмэх, засах үед баруун талаас цонх гарч ирнэ. Доор нь «Хадгалах» (цэнхэр) ба «Болих» товч байна. |
| Одтой талбар (*) | Заавал бөглөх талбар. Хоосон орхивол хадгалахгүй. |
| Унтраалга | Аливаа зүйлийг (үйлчилгээ, ширээ, ажилтан) идэвхтэй, идэвхгүй болгоно. Цэнхэр өнгөтэй бол идэвхтэй. |
| Харандааны дүрс | Тухайн зүйлийг засна. |
| Хогийн савны дүрс (улаан) | Тухайн зүйлийг устгана. |
| Шүүх товч ба жагсаалт | Жагсаалтыг төлөв, огноо, салбараар нь шүүж харна. |
| Хайх мөр | Нэр, утас, кодоор хайна. |
Бүх цонх ижил зарчмаар ажиллана: талбараа бөглөөд «Хадгалах» дарна, эсвэл «Болих» дарж хаана. Цонхны гадна дарж, эсвэл буланд байх хаах (✕) товчоор ч хааж болно.
Зөвлөмж
- Бизнесээ анх тохируулахдаа дараах дарааллыг баримтлаарай: Тохиргоо (бизнесийн мэдээлэл) → Салбар → Үйлчилгээ эсвэл Цэс.
- Хэлээ хүссэн үедээ дээд баруун булангийн MN / EN товчоор солино.